ХРИСТИЙН ЗОВЛОН 14

1) Есүс Христийн нэрийн төлөө  

2) Загалмайн Сайн Мэдээний төлөө

3) Бурханы Хаанчлалын төлөө

4) Сайныг үйлдсэнийхээ төлөө

5) Бидний өөрсдийн төлөвшил, ариуслын төлөө гэх зэрэг учир шалтгаан ба зорилгыг Библи гаргаж тавьдаг.

1.                  

                                                                1)  Есүс Христийн нэрийн төлөө

“Надаас болж та нарыг хүмүүс доромжилж, хавчиж, хуурамчаар та нарын эсрэг зүсэн бүрийн хорон мууг ярихад та нар ерөөлтэй еэ!” (Мт.5:11).

“Учир нь хэн өөрийнхөө амийг аврахыг хүснэ, тэр хүн түүнийгээ алдана. Харин хэн Миний төлөө өөрийн амийг алдана, тэр хүн түүнийгээ олно”(Мт.16:25).

“Миний Нэрийн төлөө өөрийн гэр орноо, ах дүүсээ, эгч дүүсээ, эсвэл эцэг эхээ, хүүхдүүдээ, эсвэл эдлэн газраа орхисон хүн бүр зуу дахин ихийг хүртэх бөгөөд мөнх амийг өвлөх болно” (Мт.19:29).

“Хүний Хүүгээс болж хүмүүс та нарыг үзэн ядаж, хавчин, доромжилж, нэрийг чинь хорон муу мэтээр үзэж үл ойшоох цагт та нар ерөөлтэй еэ! ” (Лк.6:22) гэж Эзэн Өөрийг нь дагагч хүмүүс, Өөрийнх нь Нэрийг үүрч амьдрах ёстойг, улмаар тэрхүү Нэрээсээ болж хавчигдан гадуурхагдах дуудлагатайг зөгнөсөн.

  

“Иймд Христийн төлөө мөхөс байдал, доромжлол, гачигдал, хавчлага, хүнд байдал дотроо би баяртай байна. Учир нь би хэзээ мөхөс байна, тэр үед хүчтэй байдаг” (2Ко.12:10).

“Гэвч миний хувьд ололт байсан бүх юмсыг би Христийн төлөө гарз хохирол болгон тооцов” (Флп.3:7).

“Христийн төлөөх буруутгал нь Египетийн эрдэнэсээс агуу их баялаг мөн гэж тэр үзжээ. Учир нь тэр шагнал уруу харж байлаа”(Евр.11:26).

“Эзэний төлөө өөрсдийгөө хүний бий болгосон аливаа бүтцэд захируул. Эрх мэдэл бүхий хаанд ч юмуу” (1Пт.2:13).

“Учир нь тэд харь үндэстнүүдээс юу ч авалгүй Нэрийн төлөө явцгаасан билээ” (3Иох.1:7), гэж Христийн үнэнч дагалдагчид гэрчилсэн байдаг. Эндээс бид юуг ойлгох ёстой вэ? гэхлээр биднийг үнээр (Христийн цусаар) худалдан авсан, гэдгийг мэдэх хэрэгтэй.

Хүн төрөлхтөн өөрсдийн нэрээр бахархаж, тэрхүү нэрийнхээ төлөө зүтгэж, өөрийн нэрийг нандигнан амьдардаг. Монгол ардын үгэнд “Нэр хугархаар яс хугар...” гэдэг. Эндээс сэвтээгүй ариун нэр төр бол хүмүүний оршин тогтнолын маш чухал, үнэ цэнэтэй тулгуур болохыг харж болно.

Тэгвэл бид үүнээс ч илүүгээр биднийг Өөрийн цусаар худалдан авсан Христийн Ариун Нэрийг үүрч, Ариун байдлаар нь алдаршуулах тэнгэрлэг үүрэг хариуцлагатайгаа ойлгож, гүнээ ухамсарлах ёстой юм. Гэхдээ энэ тэнгэрлэг дуудлага маань биднийг хавчлага зовлон, саад бэрхшээл, харанхуйн хүчний хатуу ширүүн эсэргүүцэлийн бай болгодог.                     

2.                   

                          2) Загалмайн Сайн Мэдээний төлөө

“...Хэн Миний төлөө болон Сайн мэдээний төлөө гэр орноо, ах дүү, эгч дүүгээ, эх, эцгээ, үр хүүхэд, эдлэн газраа орхино” (Мк.10:29).

“Би сайн мэдээнээс ичихгүй. Яагаад гэвэл тэр нь итгэгч хүн бүрийг,.. авралд хүргэх Бурханы хүч мөн”(Ром.1:16).

“...Христийн сайн мэдээнд ямарч саад тотгор учруулахгүйн тулд бүх юмсыг тэвчдэг”  (1Ко.9:12).

“Учир нь хэрэв би сайн мэдээг тунхаглавал үүнд сайрхах юм надад юу ч алга. Яагаад гэвэл би шахалтад байдаг. Хэрэв би сайн мэдээг тунхаглахгүй бол энэ нь надад зовлон болдог” (1Ко.9:16).

“Би сайн мэдээний хамсаатан болохын тулд сайн мэдээний төлөө бүх юмсыг хийдэг”(1Ко.9:23).

“Өөрсдийгөө зөвхөн Христийн сайн мэдээнд зохистойгоор авч явагтун” (Флп.1:27).

“Харин сайн мэдээ бидэнд даалгагдах нь Бурханаар батлагдсанчлан, бид хүмүүст бус, харин бидний зүрхийг шалгагч Бурханд таалагдахаар ярьдаг юм” (1Тс.2:4).

            Загалмайн Сайн Мэдээ нь хүн төрөлхтөний авралын цорын ганц гарц зам юм. Бид энэхүү Сайн Мэдээг бүх үндэстэнд тунхаглах үүрэгтэй. Хачирхалтай нь ийм тэнгэрлэг, төгс Сайн Мэдээг зарлан тунхаглах үйл явц асар их саад тотгор, эсэргүүцэлтэй тулж, энэхүү үйлчлэлийг хийгчдэд хавчлага зовлон, сорилт бэрхшээлийг учруулдаг нь Библийн болон түүхийн нэгэн үнэн юм.

            Бүх элч нар (Христийн 12 дагалдагч) Сайн Мэдээний төлөө хавчигдан зовж, 11 нь зүй бусаар алуулсан ба өөрийн үхлээр үхсэн Иохан ч цөлөгдөн зовж байлаа. Бас чуулганы түүхэн дэх бүхий л Сайн Мэдээний элч нар саад тотгоргүй, амар тайвнаар энэхүү үйлчлэлээ хэрэгжүүлсэн нэг ч тохиолдол одоогоор би олж уншаагүй.
            Энэ нь, хүний ертөнцийг одоохондоо захирч буй чөтгөрийн хүчний эсрэг, түүний эрхшээлд байгаа үй олны амийн төлөөх хатуу ширүүн тэнгэрлэг тулаан учир ийм их гарз хохирол, золиослолыг шаарддаг байна.

UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/

ХРИСТИЙН ЗОВЛОН 13

1.                                       Бид Христийн зовлонг хэрхэн хуваалцах вэ?

       Зовж зүдэрч буй нэгнийг харахдаа хорон муу үйлийнхээ үрийг эдлэж буй, эсвэл хараагдсан, бүр эсвэл арчаагүй дорой, амьдрах чадваргүйн улмаас гэсэн нийтлэг хандлагаар шүүн дүгнэдэг нь хүн төрөлхтөний үндсэн шинж юм. Энэ нь бүхий л соёл иргэншил, ард түмний хувьд адилхан байдаг ба мөн бүхий л цаг үеүүдэд хүмүүс ингэж л шүүн дүгнэж ирсэн нь түүхийн нэг үнэн юм.

Үүнийг бас Библийн теологи ч баталдаг гэхэд болно. Библи дэх Израильчуудын түүхийн ихэнхи хэсгийг Бурханыхаа эсрэг тэрслэн, дуулгаваргүй байсныхаа улмаас элдэв зовлонг эдэлсэн гашуун түүх эзэлдэг. Гэхдээ түүхэн үнэн болон Библийн теологитой зөрчилдөх мэт харагддаг бас нэг тэнгэрлэг үнэн нь Бурханы ариун хүмүүсийн болон Христийн зовлонгийн түүх юм.

Нүгэлтэн нүглийнхээ шийтгэлийг эдлэж зовох нь шударга бөгөөд түүхээр болон Библиэр баталгаажсан юм бол, бас хажуугаар нь зөвт болон нүгэлгүй Ариун Нэгэн нь яахаараа зовж шаналах шаардлагатай болчихдог нь заавал судлах ёстой чухал асуудал юм. Эндээс хоёр төрлийн зовлон ертөнцөд байдгийг Библи бидэнд ялгаж зааглан, илчилж харуулдаг болохыг би өмнөх хэсгүүдэд харагдахуйцаар гаргаж ирэхийг оролдсон.

Ариун нэгний зовлонгийн нэг үндсэн шалтгаан нь нүгэлтнүүдийн дунд тэнгэрлэг мөн чанараараа эрс ялгардагаас үүдэлтэй.    

          

А. Библид зовлонгийн талаар хэрхэн сургаж номлодог вэ?

Сударын Хуучин гэрээний хэсэгт Бурханы ард түмний зовлонгийн талаар бичихдээ Эзэн Бурханыхаа үйлчлэлд итгэмжгүй байж, харь бурхдад мөргөж, Мосегийн хуулиудыг зөрчвөл үр дагаварт нь ирэх шийтгэл бол аймшигт олон төрлийн зовлонгууд байх болно гэсэн.

“Чи хэрвээ Эзэн Бурханыхаа үгийг сонсохгүй, миний өнөөдөр чамд тушааж буй бүх тушаал зарлигийг дагаж мөрдөхгүй байвал энэ бүх хараал чам дээр бууж, чамд хүрнэ...” (Дх.28:15-68).

Эдгээр зөн болон сэрэмжлүүлэгүүдийг Израильчууд дэс дараалан өөрсдийн түүхээрээ ёсчлон харуулсан нь, Ертөнцийн Эзэний ариун бөгөөд алагчилдаггүй шударгаар шүүдэгийн баталгаа болдог.

Гэтэл Шинэ гэрээний сургааль номлолд Бурханыхаа эсрэг тэрслэх биш, харин ч Түүний хүсэлд нь захирагдан, үнэнчээр даган явах зам нь зовлон бэрхшээл, сорилтын, бүр цаашлан загалмайн (үхлийн) зам байх ёстой, гэж заадаг нь үнэхээр гайхалтай.

“Аяа, Бурханы мэргэн ухаан болон мэдлэгийн баялаг нь ямар гүн гүнзгий вэ?!  Түүний шүүлтүүд нь ямар ухаарагдашгүй, Түүний замууд нь ямар олж илрүүлшгүй вэ?! Учир нь хэн Эзэний оюун ухааныг мэдсэн бэ?! Хэн Түүний зөвлөгч нь болсон бэ?! Эсвэл энэ нь Өөртөө эргүүлж төлүүлэхийн тулд хэн Түүнд урьдчилж өгсөн бэ?! Учир нь Түүнээс, Түүгээр, Түүнд бүх юм байна. Түүнд алдар нь үүрд байх болтугай. Амен.” (Ром.11:33-36).

Тэгэхлээр Шинэ гэрээнд Бурханы ард түмний (итгэгчдийн) туулах зовлонгийн учир шалтгаан ба зорилгын талаар хэрхэн тайлбарлаж, номлосон нь сайтар судлах ёстой асуудал мөн.

1) Есүс Христийн нэрийн төлөө  

2) Загалмайн Сайн Мэдээний төлөө

3) Бурханы Хаанчлалын төлөө

4) Сайныг үйлдсэнийхээ төлөө

5) Бидний өөрсдийн төлөвшил, ариуслын төлөө гэх зэрэг учир шалтгаан ба зорилгыг Библи гаргаж тавьдаг.





UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/

ХРИСТИЙН ЗОВЛОН 12

          
3) Бурханы хүслийг биелүүлэхийн тулд зовсоноороо

           
        Хуучин гэрээнд эш үзүүлэгч Исаиа, Христ энэ дэлхийд ирээд Сүнсний болон махан биеийн зовлон болон гологдолыг амсана гэдгийг зөгнөсөн байдаг (Иса.53). Тэгээд тэр тусмаа Түүний зовлон нь Эзэний таалал, хүсэлийн улмаас байсан гэдгийг хэлдэг. “Гэвч Түүнийг няцалж, өвтгөх нь Эзэний таалал байв” (Иса.53:10). “Бурхан ертөнцийг үнэхээр хайрласан тул цорын ганц Хүүгээ өгсөн. Ингэснээр Хүүд итгэгч хэн ч мөхөхгүй, харин мөнх амьтай болох юм” (Иох.3:16).

           

        Есүс баригдахынхаа өмнө Гетсемани цэцэрлэгт залбирч байхдаа цусан хөлс дуслуулан залбирч байсан (Лк.22:44) нь ертөнцийн нүгэлийн өмнөөс үүрэх тэр их зовлонгийн хэр аймшигтай хүнд бэрх болохыг мэдэрч сэтгэлийн асар их тарчлал амсасныг гэрчилдэг. Тэрээр залбирахдаа “Эцэг минь хэрэв боломжтой бол Надаас энэ аягыг өнгөрүүлээч. Гэвч Миний хүслээр, биш харин Таны хүслээр болог...” (Мт.26:39), гэж Эцэг Бурханы хүслийг нэн тэргүүнд тавьсан байдаг.  

 “Есүс Гетсемани цэцэрлэгт зовж шаналсны тэмдэг нь цусан хөлс байсан (Лук 22:24)”[1]. “Сэтгэл санааны асар хүнд дарамтанд ороход хялгасан судсууд цусаар ханаж, цустай хөлс гардгийг эртний хийгээд орчин үеийн анагаах ухаанд баталжээ.”[2]

             Бурхантай хамт байсан ч Бурханаар хаягдсан нь Түүний зовлонг бусад ертөнцийн зовлонгоос онцгой ялгаатай болгодог.  Магадгүй зарим нь Израильчууд ч Бурхантай хамт байгаад, дараа нь орхигдох зовлонг эдэлсэн гэж маргаж болох юм. Христийн зовлон энгийн нүгэлт хүмүүний зовлон байгаагүй. Тэр Бурханы хүслийн дагуу зовсон. Харин Израильчууд нь өөрсдийнхөө нүгэлт хүслүүдийнхээ араас явсанаараа Бурханаар орхигдож, нүгэлтний дагуу зовсон нь Библийн болон түүхэн үнэн юм.

            

4)  Түүний энэхүү зовлон нь үй олны аврал болсоноороо (Харин ертөнцийн дагуу зовогсодын зовлон нь өөрт нь болон бусдад үр өгөөж, ашиг тус нэмэргүй юм.)

            Семеон гэдэг Эзэнд маш итгэмжтэй үйлчилдэг нэгэн хүн Аврагч ирнэ гэдгийг итгэлтэйгээр хүлээж байсан юм. Тэрээр энэ итгэлийнхээ хариуд Эзэн Есүсийн мэндлэхийг харж, Эзэнд талархсан байдаг. “Семеон Хүүг гар дээрээ авч, Бурханыг магтаад Эзэн Та Өөрийн үгийн дагуу боол намайгаа амар тайван явуултугай. Учир нь Миний нүд Таны авралыг харлаа... Энэ нь харь үндэстэнд илчлэлийн гэрэл, Таны ард түмэн болох Израилийн алдар нь болой” (Лк.2:28-32).   

Мөн ”Есүс эмэгтэй Надад итгэ...Эцэгт мөргөх цаг ирж байна...аврал иудейчуудаас гарна...чамтай ярьж байгаа Би бол Тэр мөн гэж айлдав” (Иох.21-26), гэж Самари эмэгтэйд Өөрийгөө гэрчилсэн юм.

            Заккай гэгч нэгэн татвар хураагч гэм нүглээсээ үнэн сэтгэлээсээ гэмшиж, Есүсийг хүлээн авсанаар тэр Түүний авралд багтаж чадсан юм. ”Заккай... Эзэн өөрийнхөө хөрөнгөний хагасыг би ядууст өгнө. Хэрэв би...залилан авсан байвал...нугалж эргүүлэн өгнө гэсэнд Есүс түүнд өнөөдөр энэ айлд аврал ирлээ” (Лк.19:8-9) гэж тунхагласан.  

Хожим нь “Өөр хэний ч дотор аврал үгүй. Учир нь бид аврагдаж болох өөр нэр тэнгэрийн доор хүмүүст өгөгдсөнгүй...” (Үйл.4:12), гэж элч Петр гэрчилсэн байдаг.  

“...Тэнгэр газар дээрхи бүх эрх мэдлийг Надад өгсөн. Иймээс явж, бүх үндэстнийг дагалдагч болгогтун. Эцэг, Хүү, Ариун Сүнсний нэрээр тэдэнд баптисм хүртээж, Миний та нарт тушаасан бүгдийг сахин биелүүлэхийг тэдэнд заа. Харагтун, үеийн төгсгөл хүртэл Би та нартай үргэлж хамт байх болно...” (Мт.28:18-20),

            “Тэгээд би сэнтий болоод дөрвөн амьтны хооронд, ахлагчдын дунд зогсож буй нядлуулсан мэт Хургыг харав...  Тэд шинэ дуу дуулж... учир нь Та нядлуулсан бөгөөд бүх овог, хэл, ард түмэн болон үндэстнүүдээс хүмүүсийг Бурханд Өөрийнхөө цусаар худалдан авч өгсөн билээ” (Илч.5:6-9), гэх зэрэг бичээсүүдээс харвал Христийн зовлонгийн ач холбогдол, үр дүн, хүч чадал, эрх мэдэл, үйлчлэх цар хүрээ зэрэг нь хязгааргүй бөгөөд мөнхийн болохыг мэдэж болно.  

            

            Энэ үнэнийг Христийн чуулганы 2000 жилийн ялгуусан түүх болон, мөн бид өөрсдийн Христтэй хамт алхсан итгэлийн амьдралын бодит баримтуудаар тодорхой гэрчилдэг билээ. Өөр ямар ч зовлон зүдгүүрийн талаархи түүхэн баримтууд ийм тэнгэрлэг эрх мэдэл, нөлөөлөх хүч чадалгүйг загалмайн авралаар дамжуулан дахин төрсөн хүн болгон батална. 


5) Түүний зовлонгийн үр дүн санаанд оромгүйгээр эргэж, үхлийг ялсан ялалтаар төгссөнөөрөө

“Тун удахгүй та нар Намайг цаашид харахгүй. Мөн дахин тун удахгүй та нар Намайг харна... Үнэнээр Би та нарт хэлье. Та нар уйлна, гашуудана... Гэвч гуниг чинь баяр баясгалангаар солигдох болно... Би та нартай дахин уулзана... Та нарын баяр баясгаланг хэн ч та нараас булаахгүй” (Иох.16:16, 20, 22), гэж дагалдагчиддаа учир битүүлэг зөн айлдсан Тэрээр үдэш нь баригдаж, маргааш нь цовдлогдон нас барсан билээ.

            Гэтэл гурав дах өдөр нь учир битүүлэг зөн биеллээ олж, дахин амилсан Есүс дагалдагч нартайгаа уулзан “Амар амгалан нь та нарт байх болтугай...-- Та нар юунд зовж, зүрхэнд чинь эргэлзээ төрнө вэ? Миний гар,Миний хөлийг хараач. Энэ чинь Би Өөрөө байна: Надад гараа хүргээд үз. Учир нь сүнсэнд та нарын харж байгаа Над шиг яс, мах байдаггүй юм” (Лк.24:36-39) гээд зогсохгүй, эргэлзэж тээнэгэлзсэн Томаст “Хуруугаа нааш нь хүргэ, Миний гарыг үз. Гараа нааш нь хүргэ, Миний хажуу руу хий. Итгэлгүй бус, харин итгэлтэй бай” (Иох.20:26-27) гээд, мөн “... Тэр загасыг авч тэдний өмнө идэж...”  (Лк.24:42-43), гарцаагүй махан биеэрээ дахин амилсанаа батлан харуулсан юм.   

            Түүний зовлон нь ялгуулсан ялалтаар төгсөж, Тэрээр үхлийг ялж дахин амилсан нь загалмайн зовлонг өөр бусад ямар ч зовлонтой зүйрлүүлэшгүй онцлог ялгаатай болгодог.  Түүний ялалтын хүч болон мөнх амийнх нь тэнгэрлэг онгодоор (Ариун Сүнсээр) үе үеийн үй олон Христэд итгэгчид бялхаж амьдардаг билээ. Үхлийг ялсан бидний Эзэн алдарших болтугай. Халлелүяа...
    

---

[1]Дуглас Ж.Д ба Тенни Мерилл С. “Библийн хураангуй толь бичиг”(УБ:Мөнхийн үсэг, 2006он),797.
[2]Мөн тэнд, 797.

UBTC Библийн сургуулийн оюутан С...-ийн бакалаврын зэрэг хамгаалсан дипломын ажилаас... /Үргэлжлэл бий/